Bändeli knüpfe

Liebi Jublanerinne und Jublaner
Das Mal machemer eppis, wo ihr sicher all kennet: Bändeli knüpfe. Damit ihr denn im nächste Lager alli Profis sind, zeiget mir oi da Schritt für Schritt, wie ihr super lässigi Fründschaftsarmbändeli chend knüpfe.
MATERIAL:
– Garn
– Scher
– Klebband
VORGEHENSWIS:
1. Du entscheidisch dich für vier verschiedefarbigi Fäde und schnidsch jewils zwei Mal zwei Armlängene ab (insgesamt 8 Fäde). Denn dusch all Fäde zeme und machsch am obere Endi en Knopf.
2. Suechsch dir en bequeme Platz und dusch det d‘Fäde mitem Klebband uf eh Flächi befestige.
3. D‘Fäde so barat lege, wie du sie später ha willsch & du dusch dir die Abfolg guet merke.
4. Jetzt bisch ready zum afange knüpfe: en Knopf bestaht immer us zwei Knöpf, das isch ganz wichtig! Du nimmsch als ersts de üssersti linki Fade und leisch ihn über de zweiti Fade, sodass es 4i entstaht, denn dusch de ersti unter de zweiti dure und ziesch es ah. De zweiti Fade muss gspannt si. Denn machsch das alles grad nomal mit de gliche Fäde.
5. Du bhaltisch de ersti Fade vom Afang (isch jetzt ah zweiter Stell) und machsch genau s gliche mitem dem und em dritte Fade.
6. Fade für Fade machsch jetzt 2x de 4er-Chnopf bis de erst Fade vom Afang ganz rechts achunt.
7. Jetzt gasch wieder uf die linki Site und fangsch mit dem ganze Ablauf vo vorne ah.
8. Wenns Bändeli gnueg lang isch, chasch wie uf de andere Site en Chnopf mache.
9. Damits en schöne Abschluss git, chasch die vorige Fäde uf beidne Site zöpfle und ah dim Handglenk amache. 🙂
Viel Spass & schicket ois doch oii Resultat.

Muttertag – Idee

Für en schön dekorierete Muettertagstisch💕

Servietten-Seerose🌸

Hallo liebe Jublanerinne und Jublaner
Wir haben wider eine coole Bastelidee für euch.

Dafür brachst du:
Servietten und einen beliebig grossen Stein.

1. nimm die Serviette auseinander und lege sie verkehrt auf den Tisch.
2. falte alle Ecken in die Mitte
3. Falte alle Ecken noch mal in die Mitte
4. Drehe die Servirtte um und falte nochmals alle Ecken in die Mitte.
5. Ziehe vom unteren teil der Serviette 8 Ecken nach oben

Im Video siehst du alles genau.

In die Servietten-Seerose kannst du zum Beispiel einen Becher reinstellen, dann wird sie zu einer schöner Tischdekoration 🙂

Feuer und Flamme

LAGERFÜÜRLIEDER🔥🔥🔥

Das ihr trotz Verschiebig vom Jublatrubla chli i Lagerstimmig chömed.🎶🎸 Chönder mit euene Liebste dasmal leider nöd ums Lagerfüür sitze, sondern dehei vors Cheminée höckle und d Playlist vo Jubla Schweiz uf Spotify lose.
Spotify: Feuer und Flamme
Ganzi 22 Lagerfüür Klassiker hend sie zeme ufgno!

Viel Spass bim Singe!!

P. S. Teiled eui Lagerfüürstimmig mit eus und schicked eus es Video.🎥😊
Töneder echt au so guet wie amel i de Lager?

#feuerundflamme #jublazuhause #jublahinwil #lagerfüür

Slime – Seife

Liebi JublanerInne,
Mir hend für eui wieder emal e Bastelidee zum s Händwäsche chli abentürlicher z gstalte. Viel spass bim nah mache!!

SLIME-SEIFE
Du bruchsch:
– Körperduschmittel
– Kochsalz
– Behälter (z. B es alts Gonfiglas)
– falls gwünscht Lebensmittelfarb und, oder Glitzer (wenn ned vorhande, s gaht also au mit z. B Paprikapulver ;))

1.Schritt:
Gib so viel Körperduschmittel wie gwünscht i din Behälter.

2.Schritt:
Ahschlüssend gisch ca. 1 Teelöfel Chochsalz dezue und dusch alles zeme kräftig vermische, bis es ordetli schumet.

3.Schritt:
Falls er wend chönder de Slime no chli ufpeppe mit z.B. Glitzer oder Lebensmittelfarb. Denn namal kräftig rüere.

4.Schritt:
Jetzt chunnt das Ganze für ca. 20 min in Gfrüürer.

5.Schritt:
Und jetzt wird flissig d Händgwäsche 😉

Damit die Slime-Seife au schön slimig blibt musch en ab und zue wieder chli in Gfrüürer stelle und namal kräftig rüehre.

Viel spass bim Händwäsche! 👏🏻🤲🏻

P.S: Schicked eus doch Föteli oder Videos vo euem Resultat! Mer sind gspannt uf eui Slimies😊

Papierflieger – Wettbewerb

Liebli Jublanerinne und Jublaner

Zum Ziit chli schneller verbi gha lah hemmer für eui en chline Wettbewerbe organisiert!
Wer de schönsti Papierflüger macht cha en chline Priis gwünne😎
Schicket eui Fotis bis am 25. April per Email. scharleitung@jubla-hinwil.ch
No e ganz e schöni Ziit!

Liebi Grüess
Oies Leitigsteam

Katze-Maus-Spiel

Liebi Jublanerinne und Jublaner 🙂
Mir hend wieder emal eh eifachi Spielidee für eu zum dihei nahmache.
Dezue bruchsch du:
Korken, Wolle oder Schnur, Farbe, Cutter, Heissleim und Moosgummi.
1. D Korke mitem Messer oder Cutter halbiere.
2. D Korke farbig bemale, dass jedi Muus eh anderi Farb het, dasmer s Spiel au spiele chan.
3. Wenn d Korke troche sind chasch du d Öhrli und de Wulleschwanz mit Heisslim befestige.

Fürs Spiel bruchsch du:
En Farbwürfel und en Becher. Wenn du kein Farbwürfel dihei hesch, drucksch du am beste eh Würfelvorlag vom Interneh us und machsch din eigene Farbwürfel.

Spielanleitig:
1 Person ischd Katz. Die Person het en Becher und de Würfel. Wenn d Katz z.B. gelb würflet muess sie s gelbe Müsli fange. Die Person mitem gelbe Müsli muess das aber so schnell wie möglich weg zieh. Chan d Katz s Müsli nöd fange, bliebt sie d Katz und würflet solang bis sie es Müsli het chöne fange.

Viel Spass bim spiele!

#jublazuhause #bastelspass #katzemaus #jublahinwil

Last-Minute Osterbastelidee

Hey liebi Jublanerinne und Jublaner

Scho bald isch Ostere und mer hend no eh Last-Minute Bastelidee für eu, will s’heisst au über Ostere #mirbliebeddihei und mir hend oi no en Basteltipp zum de Osterzmorgetisch z verschönere. Es brucht nur ganz wenigi Sache und paar vorigi WC-Papierrolle hender sicher diheime. Ihr chönd eifach de Bildahleitig folge und oii Häslieierbächer selber mache.
Mir freued ois au dasmal wenn ihr fliessig nahbastlet und die entstandene Kunstwerch mit ois uf Instagram, Facebook oder per Mail teiled. 👍🏻
Bliebed gsund und bliebed #dihei

Oies Leitigsteam

Ostergeschenkidee

Hey zämme
Mir hoffed ihr sind alli gsund und munter und bliebed diheime. Will mir au oisi Gruppestunde und Scharaläss im Moment nöd chönd durefüehre hend mir denkt ganz nachem Motto #mirbliebeddihei bringed mir d Gruppestund ab jetzt ih dini Stube.
Ab jetzt chasch du regelmässig Ideä vo dine Leiterinne und Leiter dihei nahmache, bastle und choche bi dir diheime.
Die Wuche startet mer miteme Häsliseckli wo du dini Ostergschenkli chasch verpacke und ah dini liebste aber au ah dini Nachbere, din Pöstler, d Verchäuferin im Lade oder am Samichlaus chasch schenke. 🐣🐰💕
Falls bi dir diheime per Zuefall no ganz vill Zucker ume isch hend mir auno e Chochidee für dich parat was du drus chöntisch mache und det dri fülle. Aber natürli dörfed alli ohni megga vill Zucker diheime die brennte Mandle oder eis vo de andere zwei Rezept nahchoche, ih die Seckli fülle und öperem e freud mache, oder imene Briefchaste go verstecke. Dänked au bim verschänke immer ah gnueg abstand zum niemert ahzstecke.
Mir freued ois druff wenn ihr ganz fliessig nahbastlet und chli Freud ih de Welt verteiled. Gern dörfed ihr d’Ergäbniss uf Instagram oder Facebook mit ois teile.
Alles liebi und bliebed grund!#jublahinwil #jubladiheime #mirbliebeddihei